නාසා හි කෙප්ලර් අභ්‍යවකාශ දුරේක්ෂය අපගේ මන්දාකිනියේ ගෝල්ඩිලොක්ස් කලාපය තුළ වූ තාරකාවක් වටා ඇති පෘථිවියට සමාන ග්‍රහලෝකයක් සොයා ගන්නා ලදී. Kepler-186f යනුවෙන් හදුන්වන්න මෙම ග්‍රහලෝකය සිග්නස් තාරකා මණ්ඩලයේ පෘථිවියේ සිට ආලෝක වර්ෂ 500ක් පමණ දුරින් පිහිටා ඇත. වාසයට සුදුසු කලාපය හෙවත් ගෝල්ඩිලොක්ස් කලාපය ලෙස හදුන්වන්නේ ප්‍රමාණවත් වායුගෝලීය පීඩනයක් ඇති, ග්‍රහලෝකය මතුපිට ද්‍රව ජලය පවත්වා ගත හැකි තාරකාවක් වටා ඇති ප්‍රදේශයයි.
අපගේ ක්ෂීරපථ මන්දාකිනියේ අවම වශයෙන් පෘථිවි ප්‍රමාණයේ ග්‍රහලෝක බිලියන 40ක් පමණ පරිභ්‍රමණය වන බවට ප්‍රක්ෂේපණය කර ඇති අතර, මෙම නිශ්චිත සොයාගැනීම වෙනත් තාරකාවක වාසයට සුදුසු කලාපයකින් සොයාගත් පළමු පෘථිවි ප්‍රමාණයේ ග්‍රහලෝකය ලෙස නම් කර ඇත.
Kepler-186f ට අමතරව, මෙම පද්ධතිය තුළ ආසන්න තාරකාවක් වටා ගමන් කරන තවත් ග්‍රහලෝක 4ක් ඇත. මෙයින් අදහස් කරන්නේ මෙම ග්‍රහලෝකයට අසල්වැසි තාරකාව අපගේ සූර්යයා හා සමාන නම්, මෙම ග්‍රහලෝකයේ ජීවයේ සම්භාවිතාව බොහෝ ලෙස වැඩි වන බවයි.
“අපි දන්නේ ජීවය පවතින එකම ග්‍රහලෝකය පෘථිවිය බවයි. අපි අපේ සෞරග්‍රහ මණ්ඩලයෙන් පිටත ජීවය සඳහා සුදුසු ග්‍රහලෝකයක් පිළිබඳව පර්යේෂණ කරන විට, අපි අවධාරණය කරන්නේ පෘථිවියේ ලක්ෂණ සහිත ග්‍රහලෝක සොයා ගැනීම” බව කැලිෆෝනියාවේ මොෆෙට් ෆීල්ඩ්වල පිහිටි NASA හි Ames පර්යේෂණ මධ්‍යස්ථාන SETI ආයතනයේ පර්යේෂණ විද්‍යාඥ Elisa Quintana පවසයි. එසේම සයන්ස් (Science ) සඟරාවේ මෙලෙස පළ කර ඇත. “පෘථිවියට සමාන ප්‍රමාණයේ වාසයට සුදුසු කලාපීය ග්‍රහලෝකයක් සොයා ගැනීම වඩා වැදගත් ඉදිරි පියවරකි.”
Kepler-186f වෙත යාබද තාරකාව අපගේ සෞරග්‍රහ මණ්ඩලයේ සූර්යයාට ස්කන්ධයෙන් හා ප්‍රමාණයෙන් අඩකට සමාන අතර අපගේ සූර්යයාගෙන් අපට ලැබෙන ශක්තියෙන් තුනෙන් එකක් පමණ ලැබේ. Kepler-186f ග්‍රහලෝකය එහි තරුව වටා එක් වරක් ගමන් කිරීමට දින 130ක් ගත කරයි.